Ephesians 4
Christ Pumpi sungah Kipumkhatna
1Tua ahi ciangin Topa adingin thongkia keimah in na ngahsa uh hong sapna tawh kilawm-a na nuntak ding uh kong kun hi. 2Kiniamkhiat le migitakin om un; lungduai-in itna tawh khat le khat na kithuak keeikai un. 3Kilemna in hong khihkhawmna tungtawnin, tua Kha a na kipumkhatna uh na letkip nadingun na hih theih tawpun hih un. 4Pumpi khat le Kha khat - note hong kisap lai-a lametna khata hong kisap bangin - 5Topa khat, upna khat, baptise-na khat, 6na khempeuh tunga om, na khempeuh tungtawna, na khempeuh sunga ompa, mite khempeuh Pasian le Pa khat a om hi. a 7 Ahi hangin Christ sehsaknasa bangin eite tungah hehpihna hong kipia ciat hi. 8Hih thu hangin: “A sangah amah a kahtoh ciangin,amatte pi-in tonpih to a,
mite tungah letsongte a pia hi.” a na ▼
▼4.8 Ph. 68:18
ci hi.9 (Leilam gam, a niamna ▼
▼4.9 Ahihkeh leitung a thukna munah
ah amah kumsuk lo hileh, “amah kahto” a cih, bang a cihnopna hi ding hiam? 10Khuavannuai bup na khempeuh a kicingsak dingin a kumsukpa tektek vante khempeuh sanga sangzawin a kahto pa ahi hi.) 11Amah, mi pawlkhat sawltakpi, pawlkhat kamsang, pawlkhat lungdamna thugen, pawlkhatte thuhilh sia le laihilh sia sem dingin a pia pa hi-a, 12tuate in Christ pumpi a khansuah theih nadingun Pasian mite na sem dinga a bawlkholh nading ahi hi. 13Tua in eite khempeuh, tua upna le Pasian Tapa theihna ah khat suaka, Christ kicinna zahzah a i picin mateng ading ahi hi. d 14 Tua ciangin mite in zuau siamna le khelpilna tawh a geel uh amau khemna ah, tuihual in a lapsuk a laptoh, thuhilhna huih citeng in amut kawikawi naungekte i hi nawn kei ding hi. 15Tua sangsik in, itna tawh thutak genin, Lutang ahi pa Christ sungah, na khempeuh ah ama sungah i khangto ding hi. 16Amah panin pumpi na khempeuh thagui tekah kihuh kizom khawmin, amau sep ding tek a sep ciangin tua pumpi, itna sungah khangin amah le amah a kikhansuah hi. Khuavak Tate banga Nungta
17 Tua ahi ciangin note, Gentile-te ngaihsutna gina lo-a, a nuntak bangun na nuntak nawn loh nadingun hih thu Topa sungah kong gena, kong kun tangtang hi. 18Amaute lungtang kikhauh sakna hanga bangmah a theih loh manun, Pasiana nuntakna panin amaute kikhenkhia-a, a theihtelna uh kimialsak hi! 19Amaute in zumna mel thei nawn loin a siang lo namkima bual dingin a uangzaw kilunggulhna nei tawntung uh a, amau hukna le lanna ah a kipiakhia khin zo uh hi. e 20 Bangbang hi ta leh note in tua bang lamin Christ na thei kei uh hi. 21Jesu sunga om thutak tawh kizui-in ama sungah hong kihilh zo ahi ciangin note in amah thu na zaksa uh hi takpi hi. 22Tuma lai-a na nuntakna uh tawh kisai-in khemhat lunggulhna in a siatsaksa na milui uh suahkhia ding, 23na lungsim puakzia uh kibawl thak ding, 24amaan thumaanna le sianthona taktak sungah Pasian tawh kibang dinga kipiangsak mithak na silh ding uh note hong kihilh hi. f 25 Tua ahi manin eite khempeuh pumpi khat sunga a nate i hi manin note a kuamapeuh in zuauphuahna suahkhia-in a vengte tungah maantakin thu a gen pelmawh ding hi. 26“Na heh sungin na mawh kei in,” ▼▼4.26 Ph. 4:4
na heh dam loin ni na tumsak kei in, 27dawimangpa siksan na awn kei in. 28A guta densa pa in gu nawn peuhmah loin a kitangsamte na khatpeuh a hop theih nadingin ama khut tawh, kimanna a nei na khatpeuh sem pelmawh hen. h 29 Na kam panun kam hoih lo pusuak sak kei un, ahi zongin a zate in phat tuampih in amau tangsapna tawh kizui-a, amaute bawlpha in, a huh thei ding kammal bek pusuaksak zaw un. 30Tatkhiat ni adinga note hong kiciamtehna Pasian Khasiangtho na dahsak kei un. 31Khaat-na, ngonghehna le hehna, kitotzakna le gensiatnate khempeuh etsatna nam khempeuh tawh na paikhia un. 32Note migi in khat le khat na kikhuatuah unla Pasian in Christ sunga note mawhna hong maisak bang tektek in, na mawhna uh na kimaisak ciat un. i
Copyright information for
ZomZIV